Hum apni deewangi..

Hum apni deewangi se jaane jaate hain

Wo apni berukhi se pehchaane jaate hain

Roz miltey hai lekin, kuchh kehte sunte nahi

Mere saamne wo meri dhadkan badhaane aate hain

Shab bhar intzaar mein hum taare dekhaa karte hai

Sabera hone se pehle wo chand bujhane aate hain

Bas ek nazar ke liye hum din bhar taraste hain

Wo shaam ko gamalon ko paani pilaane aate hain

Mere is haalaat pe hansanaa nahi MUSAFIR too

Ishq main sabke saame aise zamaane aate hain

-- Ram Kumar Chandak

Hume ne Pyaar mein

Hum ne pyaar main paaya to kyaa paya

Kabhi khud ro diye kabhi Tum ko Rulaya

Halat-e-ghum main beh gaya jho aansoon

Who Zindagi main phir kabhi na behne paya

Saza mujhe mili aur jaza unhain bi

Aisa bhi kya insaaf me hai sir jhukaya

Himmat nahee thi us main Saath mere dene ki

Ab tak na jaane vo kaise chal paya

Hasrath..

Dil Tod Ke Tukde Kar Diye Ussne

Pal Bhar Bhi Iss Dil Ko Sambhalne Naa Diya Ussne

Aanaa Hai Uss Me Bohut Yeh Batana Usse

Woh Ab Mile Toh Haal-e-Dil Matt Sunana Usse

Akele Kis Se Utha Hai Taluqaat Ka Bojh

Woh Tumko Naa Yaad Rakhe Bhool Jana Usse

Kabhi Mujhko Sath leke Kabhi Mere Sath Chalke

Woh Badal Gaya Achanak Meri Zindagi Badalke

Hue Jispe Tum Meharban Woh Khushnaseeb Hogi

Meri Hasratein Toh Nikli Meri Aansoun Me Dhalke…

- - Subiya Samreen

Humko Mohabbat Hai Zindgi Se…

Apno se juda kar deti hai,

Aakhon mein paani bhar deti hai,

Kitni shikayat hai zindgi se.

Phir bhi iska aitbaar hai,

Phir bhi iska intzaar hai,

Humko mohabbat hai zindgi se.

Kabhi khushiyon ka mela lagta hai,

Kabhi har koi akela lagta hai.

Kabhi humpe karam pharmati hai,

Kabhi humse nazar churati hai.

Palkon se isko chakhte hain,

Isey pass hi apne rakhte hain,

Itni nazakat hai zindgi se,

Humko mohabbat hai zindgi se.

Humko adaayein dikhati hai ye,

Jeena bhi humko sikhati hai ye.

Kabhi paas hai to kabhi door hai,

Ye zindgi bhi badi mashhoor hai.

Kabhi karti hai aankh micholi,

kabhi sajaye sapno ki doli,

Itni shararat hai zindgi se.

Humko mohabbat hai zindgi se.

Door ye ho to ghum hota hai,

Pass ho to iska karam hota hai.

Khud apni marzi se chalti hai,

Suraj ki tarah se ye dhalti hai.

Isey jab bhi hum dekhte hain,

Mann hi mann ye sochte hain,

Kitni hifazat hai zindgi se.

Humko mohabbat hai zindgi se.

Aansu bhi ho to pee lete hain,

Pal do pal khushi se jee lete hain.

Har pal humko nahi hai roka,

Thoda humko bhi deti mouka.

Zindgi gujar jaaye taqraar mein,

Chahe gujar jaaye ye pyaar mein,

Itni izazat hai zindgi se.

Humko mohabbat hai zindgi se.

- - Sandeep Tyagi